WALIOPITA UCHAGUZI TAFCA HAWA HAPA, JULIO, KIDAO NDANI

Mwenyekiti wa Kamati ya Uchaguzi ya Chama cha Makocha wa Mpira wa Miguu Tanzania (TAFCA), Ramadhani Mambosasa ametangaza majina manane ya wagombea waliopitishwa katika usaili katika mchakato uchaguzi unaotarajiwa kufanyika Agosti 10, mwaka huu mjini Dodoma.

Waliopitishwa kuwania nafasi mbalimbali za uongozi - ngazi ya taifa ni pamoja na Kidao Wilfred, Lisiter Manyara, Michael Bundala, Dismas Haonga, Jamhuri Kihwelo, George Komba, Samuel Moja na Mwalwasi.

Nafasi zinazowaniwa ni Mwenyekiti, Makamu Mwenyekiti, Katibu Mkuu, Katibu Msaidizi, Mweka Hazina, Wajumbe wa Mkutano Mkuu TFF na Wajumbe wa Kamati ya Utendaji.