KAPOMBE AKUBALI SIMBA WAVUNJE MKATABA, AMUELEZA JAMBO HANS POPPE

Beki Shomari Kapombe amesema yuko tayari kama Simba watavunja mkataba.

Kapombe amesema hayo akijibu kauli ya Mwenyekiti wa Kamati ya Usajili Simba, Zacharia Hans Poppe aliyemtaka acheze au aondoke Simba kwa kuwa hawako tayari kuendelea kumlipa bure bila kufanya kazi.

“Mimi ni majeruhi, siwezi kucheza. Kama wanaona wanataka kuvunja mkataba niko tayari.

“Asingekwenda kuzungumza kwenye vyombo vya habari, angenitafuta mimi ili kujua kinachoendelea,” alisema.

Kapombe amekuwa akiendelea na matibabu tokea ajiunge na Simba akitokea Azam Fc.

Hajapata nafasi ya kuichezea Simba jambo ambalo linaonekana kumuudhi Hans Poppe.