KAPTENI BOCCO AMEFIKISHA MABAO 10 DHIDI YA MKONGWE JUMA KASEJA

Nahodha mpya wa Simba, John Bocco amefikisha mabao 10 aliyomfunga kipa Juma Kaseja.

Bocco amefunga bao la pili wakati Simba ikishinda kwa mabao 2-0 dhidi ya Kagera Sugar, leo.

Simba imerejea kileleni baada ya ushindi wa mabao 2-0 dhidi ya Kagera Sugar kwenye Uwanja wa Kaitaba mjini Bukoba.

Bocco ameonyesha furaha kuisaidia Simba kushinda kwa mabao 2-0 lakini akasisitiza anauheshimu ubora wa Kaseja.

"Kaseja amejitunza, ni mtu ambaye amekuwa bora kwa muda mrefu jambo ambalo anastahili kujivunia na kupongezwa.

"Mimi nimeweza kumfunga kwa kuwa najituma na ninataka kufanikisha nia yangu ya kufanya vizuri. Nawashukuru wachezaji wenzangu kwa kucheza kwa juhudi hadi leo tumeibuka na ushindi," alisema Bocco.

Mabao mengi, Bocco amemfunga Kaseja wakati akiwa Simba, pia Yanga wakati mshambuliaji huyo akiwa nahodha wa Azam FC.