MABINGWA WA LIGI KUU BARA KUKIPIGA NA SINGIDA LEO, MECHI YA KUKAMILISHA RATIBA

Na George Mganga

Mabingwa watetezi wa Ligi Kuu Bara, Simba SC, leo watakuwa weageni wa mchezo dhidi ya Singida United utakaofanyika katika Uwanja wa Namfua mjini Singida.

Simba ambao tayari wameshatangaza ubingwa wa msimu huu 2017/18 watakuwa wanaingia dimbani wakiwa wanahitaji kuimaliza ligi bila kufungwa mchezo hata mmoja.

Mkuu wa Kitengo cha Habari na Mawasiliano wa klabu ya Simba, Haji Manara, amesema tayari wameshajipanga kuelekea mechi hiyo wakiahidi kupata matokeo.

Kikosi hicho chenye alama 65 kitacheza mechi ya leo kikiwa hakina presha zaidi ya kutengeneza rekodi ya kumaliza ligi bila kupoteza mchezo hata mmoja.

Mtanange huo utaanza majira ya saa 10 kamili jioni na kurushwa mbashara na kituo cha Azam TV.