YANGA WAONDOKA KUELEKEA SHINYANGA KUCHUKUA POINTI TATU ZA MWADUI, KADHAA WABAKI

Kikosi cha Yanga kimeondoka alfajiri ya leo jijini Dar es Salaam kuelekea Shinyanga kwa ajili ya mechi ya ligi dhidi ya Mwadui FC.

Jumla ya wachezaji 20 pamoja na viongozi 8 wa timu hiyo wameondoka kuelekea mjini humo ambapo watacheza na Mwadui Jumamosi ya wiki hii kwenye Uwanja wa CCM Kambarage.

Yanga inaondoka ikiwa na rekodi mbaya ya kutoshinda mchezo hata mmoja tangu kuondoka kwa Kocha George Lwandamina aliyerejea kwao Zambia kuitumikia Zesco United.

Taarifa zinaeleza baadhi ya wachezaji ikiwemo Papy Tshishimbi na Donald Ngoma hawajaambatana na kikosi kuelekea Shinyanga kutokana na kusumbuliwa na majeraha.

Ikumbukwe Tshishimbi alisafiri kuelekea kwao Congo kupata matibabu ya mitishamba baada ya kuumia katika mchezo wa Kombe la Shirikisho dhidi ya Wolaita Dicha SC.