AZAM YATANGAZA VITA HII SIMBA KAGAME

Uongozi wa klabu ya Azam FC umetangaza vita na klabu zote ikiwemo Simba katika mashindano ya KAGAME yanayotarajiwa kuanza Juni 28 jijini Dar es Salaam.

Azam ambao ni mabingwa watetezi wa taji hilo wamesema watapigana kulitetea tena ili kuendeleza heshima yao ya ubingwa wa michuano hiyo.

Kwa mujibu wa Ofisa wa Habari wa klabu, Jaffer Maganga, amesema kikosi chao kinajipanga kuelekea mashindano hayo zikiwa zimesalia siku kadhaa kipute cha mashindano hayo kuanza.

Maganga ameyaeleza hayo ikiwa ni saa chache zimepita kutangaza kumsajili beki Wakiro Wadada aliyekuwa akiichezea Vipers SC ya Uganda.

Azam ndiyo walikuwa wa mwisho kubeba kikombe cha KAGAME msimu wa 2015 baada ya kuitwanga Gor Mahia FC kwa mabao 2-0 katika Uwanja wa Taifa.