KANE AMFUNIKA RONALDO KWA REKODI KOMBE LA DUNIA 2018 URUSI

Na George Mganga

Mabao matatu aliyofunga Mshambuliaji wa timu ya taifa ya England, Harry Kane dhidi ya Panama leo yanamfanya mchezaji huyo kufikisha idadi ya mabao matano.

Kane amefanikiwa kufikisha idadi hiyo ya mabao ikimfanya awe mchezaji pekee anayeongoza kwa ufungaji katika michuano ya kombe la dunia inayoendelea hivi sasa huko Urusi.

Mbali na kufikisha idadi hiyo ya mabao, Kane amekuwa mchezaji wa pili kufunga mabao matatu ndani ya mechi moja sawa na Ronaldo aliyefunga idadi hiyo dhidi ya Spain.

Rekodi hiyo ya kipekee kwa Kane inamfanya awe juu katika michuano hii kwa sasa kutokana na kumzidi bao moja Ronaldo aliye na mabao manne.

Mchezaji Romelu Lukaku kutoka Ubelgiji naye amefunga idadi ya mabao sawa na Ronaldo ambaye ana manne.