MSEJA AJA NA OMBI HILI KWA MABOSI WAKE SIMBA

Imeelezwa Golikipa namba tatu wa timu ya Simba, Emmanuel Mseja ameuomba uongozi wa timu yake kumpa msimu mmoja ili aweze kuonesha kiwango chake.

Ombi hilo limekuja kufuatia kipa huyo kushindwa kupewa nafasi kuichezea Simba msimu uliomalizika na badala yake akipata nafasi kwenye mashindano ya Mapinduzi Cup pekee.

Msema amewaomba mabosi wake kutomuacha kipindi hiki cha usajili ili aweze kuonesha uwezo wake alionao kwa msimu mjao pengine anaweza kuwaridhisha waajiri wake.

Uwepo wa Aishi Manula umewanyima nafasi makipa wote wawili wa akiba, Mseja pamoja na Said Mohammed kutokana na umahiri wake akiwa langoni.

Hatima ya wawili hao itajulikana kuelekea msimu ujao wa ligi kujua nani ataachwa na yupi atasalia kwa mabingwa hao wa Ligi Kuu Bara.