Mtibwa Sugar hawahofii mbwembwe za Simba na wamewatamkia kwamba wakutane ndani ya CCM Kirumba, Agosti 18 mbivu na mbichi zitajulikana.
Timu hizo zinacheza kwenye mechi ya Ngao ya Jamii kufungua msimu mpya wa Ligi Kuu Bara unaoanza Agosti 22.
Kocha wa Mtibwa, Zuber Katwila, amesema kuwa wachezaji wake wana morali kubwa katika kupambana hivyo hesabu zao ni kuhakikisha kwamba wanapata matokeo mazuri yatakayowapa ushindi.
“Mipango inaendelea vizuri kwa sasa na wachezaji na kila kitu kinakwenda sawa hivyo tusubiri na tuone chochote kinaweza kutokea na hesabu zetu ni kuhakikisha kwamba tunashinda na kuweza kuchukua Ngao Jamii,”alisema Kocha huyo ambae amekaa miaka mingi Manungu enzi zake za uchezaji.
“Mpira ni sayansi hivyo wachezaji wanajua kazi yao na wana morali kubwa kuhakikisha kwamba wanafanya jambo zuri kwa ajili ya mashabiki wa timu yetu hivyo kila kitu kitakuwa sawa,” alisema Katwila ambaye mechi ya kwanza ya msimu atacheza na Yanga mjini Morogoro Agosti 23.
Ubabe upi sasa kwenye hii taarifa alioutoa mtibwa
ReplyDeleteKocha wa Simba anafanya kazi bila ya kupiga makelele kubeza au majigambo na ndio simba meenda kimya alivo
ReplyDelete