SIMBA KUSHUKA DIMBANI LEO NA KIKOSI KAMILI

Baada ya kuwasili salama jana Lindi, kikosi cha Simba leo jioni kinashuka dimbani kucheza mchezo wa kirafiki na Namungo FC ya mjini.

Mchezo huo utakuwa maalum kwa ajili ya kuzindua Uwanja mpya wa Majaliwa ambao upo mjini Ruangwa.

Taarifa zinaeleza Simba watashusha kikosi chao kamili katika mchezo huo dhidi ya Namungo FC utakaoanza majira ya saa 10 kamili jioni.

Mbali na kuzindua Uwanja huo, Simba watautumia mchezo huo kama sehemu ya maandalizi ya msimu mpya wa Ligi Kuu Bara utakaoanza Agosti 22 2018.

Mechi hiyo itakuwa mubashara kupitia Azam Sports 2 ya Azam TV.