Wakati kikosi cha Yanga kikiwa kwenye mawindo hatari ya kuandaa dozi kwa wapiga debe wa Shinyanga, uongozi wa timu hiyo umeipokea vizuri ratiba ya Ligi Kuu.
Kwa mujibu wa Mwenyekiti wa Usajili ndani ya klabu hiyo, Hussein Nyika, amesema wao kama uongozi wameipokea vizuri ratiba hiyo japo wataioneshea ubabe kama Askari aliye vitani.
Licha ya ratiba kuonesha Yanga watakuwa na mechi 7 nyumbani na 4 ugenini katika michezo 11 inayofuata, Nyika amesema wao hilo hawalitilii maanani na badala yake watapambana kuhakikisha wanavuna alama zote.
Nyika anaamini hiyo si fursa bali ni mapambano kama fainali kwa kila mechi maana kuna faida na hasara zake unapopata ratiba ya aina kaa hiyo.
Yanga itacheza dhidi ya Stand United Jumapili ya wiki hii kwenye Uwanja wa Taifa, Dar es Salaam ukiwa ni mchezo wake wa pili baada ya mechi ya kwanza na Mtibwa Sugar ambao walishinda kwa mabao 2-1.
0 COMMENTS:
Post a Comment