CHAMA ATAJA SIKU YA KUWATANGAZA PILATO MECHI YA WATANI WA JADI, SIFA ZAO NI HIZI

Na George Mganga

Shirikisho la Soka Tanzania (TFF) kupitia kwa Mwenyekiti wa Waamuzi, Salum Umande Chama, amesema watawataja waamuzi watakaochezesha mchezo wa mechi ya watani wa jadi hivi karibuni.

Chama amesema kuwa kwa sasa bado ni mapema kufanya hivyo kutokana na namna mechi hiyo inavyokuwa na ukubwa wa aina yake ili kutovuruga mambo mapema.

Mwenyekiti huyo ameeleza kuwa sifa ya Mwamuzi atakayeshikilia filimbi kati ni lazima amwe na BEJI ya Shirikisho la Soka Duniani (FIFA).

Chama amesema sifa hiyo inapaswa kuwepo kwa Mwamuzi husika kutokana na ukubwa wa mechi ya Simba na Yanga unaokuwepo na vilevile namna inavyokuwa na msisimko mkubwa.

Tayari TFF imeshatangaza viingilio vya mchezo huo ambapo VIP A itakuwa ni shilingi 30,000, VIP B na C itakuwa ni 7000 huku mechi hiyo itapigwa Uwanja wa Taifa, Dar es Salaam Septemba 30 2018.