Licha ya klabu ya Yanga kuendelea na majukumu ya kazi huku ikiwa na uongozi ulio pungufu, mwanachama Edgar Chibula amesema klabu ina viongozi wawili pekee wanaofanya kazi.
Chibula amenena hayo wakati akizungumzia suala la kuitaka klabu hiyo iitishe uchaguzi haraka kwa ajili ya kujaza nafasi za ambao walishajiengua ili iweze kurejea kwenye makali kama mwanzo.
Mwanachama huyo amefunguka kupitia Spoti Leo ya Radio akieleza Yanga imekuwa na watu wawili pekee ambao ni Mwenyekiti wa Kamati ya Usajili na Mashindano, Hussein Nyika pamoja na mwingine ambaye aliye kwenye Kamati ya Utendaji.
Mwanachama huyo amnbaye ni shabiki damu wa Yanga amemtaka Nyika kufanya mpango wa kuhakikisha viongozi waliopo madarakani kuitisha uchaguzi ili kuepukana na aibu ya kutegemea michango ya wanachama pekee.
Wakati Chibula akinena hayo, kikosi cha Yanga hivi sasa kipo kwenye maandalizi ya moto kuelekea mchezo wa ligi dhidi ya Stand United utakaopigwa Jumapili ya wiki hii kwenye Uwanja wa Taifa, Dar es Salaam.
0 COMMENTS:
Post a Comment