TUACHE KUIBEZA TAIFA STARS, VIJANA WAMEFANYA KWELI

Ligi Kuu Bara bado haijashika sana kasi, lakini kwa namna ilivyoanza, inatoa matumaini kwamba hapo baadaye ushindani utakuwa mkubwa sana kuto­kana na hivi mwanzo tu timu kutokubali kupoteza mechi ki­rahisi.

Ingawa kuna changamoto ya kukosekana kwa mdhamini mkuu, lakini timu zinapam­bana. Hofu yangu ni kwamba, hapo baadaye wachezaji wa­naweza kushuka morali kuto­kana na kukumbwa na ukata kwenye timu zao na ile hali ya kupambana ikapotea. Ligi ika­kosa msisimko.

Ni vema juhudi zikaende­lea kufanyika kwa kasi kubwa ili mdhamini mkuu apatikane kuja kuokoa jahazi hili ambalo binafsi naona siku si nyingi linaweza kuzama.

Mwishoni mwa wiki hii ligi hiyo itaendelea, hiyo ni baada ya kusimama kwa muda kidogo kupisha michezo ya kimataifa ambayo ipo kwenye Kalenda ya Shirikisho la Soka la Kimataifa (Fifa).

Katika kalenda hiyo, kwa timu za Afrika zilikuwa zikicheza mechi za kuwania kufuzu kwa fainali za Kombe la Mataifa Af­rika (Afcon) ambapo Timu ya Taifa ya Tanzania, Taifa Stars, yenyewe ilicheza dhidi ya Ugan­da na kutoka suluhu.

Suluhu hiyo ya ugenini si mbaya kwetu kwa sababu timu nyingi ambazo zimekuwa ziki­pambana na Uganda kwenye uwanja wao wa nyumbani, sare imeonekana ni kama ndio ush­indi kwa wengi, lakini zingine zinaambulia kipigo.

Vijana wetu walifanya kazi kubwa sana ya kuhakikisha wanaambulia pointi wakiwa ugenini, kweli wakafanikiwa kufanya hivyo na wamerudi wakionekana ni mashujaa in­gawa hawakuweza kupata pointi zote tatu na badala yake wakaipata moja.

Jitihada za wachezaji wetu tumeziona hasa katika kuhak­ikisha kwamba wanafanikiwa kupata ushindi, lakini haikuwa hivyo.

Kwa hatua ambayo wamewe­za kufikia ilihali ikiwa ni kikosi kilichoongozwa na kocha mpya, Emmanuel Amunike, kwa kweli kazi kubwa ilifanyika licha ya awali baadhi ya mashabiki kuonekana kuikacha kuipa sa­poti timu hiyo.

Kwa wale ambao walikuwa wanadhani kwamba mwalimu atapotea basi sasa ni muda wa kurudi kwenye mstari na kuen­delea kumpa sapoti ili aweze kufanya yale ambayo ana imani nayo yataweza kusaidia timu.

Hivyo kwa kuunga mkono juhudi zake itasaidia kuleta chachu ya ushindani hasa kwa timu yetu ambayo bado ina sa­fari ndefu ya kuweza kufanya vizuri kimataifa, hivi sasa kazi ndiyo kwanza imeanza.

Napenda kuwapa rai wache­zaji wa kikosi hicho kwamba siri ya mafanikio imefichwa se­hemu ambayo hauwezi kuifiki­ria kwa haraka, hivyo ni juku­mu lenu kuhakikisha kwamba mnazingatia kile ambacho mnaambiwa cha kufanya waka­ti husika.

Mnapaswa muumize vichwa katika kupambana kwa ajili ya maslahi ya taifa na kwa kufan­ya hivyo itasaidia kuweza kupa­ta ushindi kwa kila mpinzani ambaye tutakutana naye kwa kuwa tumeonyesha kwamba nasi tunaweza.



Nidhamu ni kitu cha msingi sana kwa wachezaji wetu hasa wa ndani ambao wana safari ndefu kuhakikisha wanafikia yale malengo ambayo wanaya­hitaji hasa kwa wakati huu am­bao mpira ni zaidi ya ajira kwa vijana wengi.

Wengi sana wamefanikiwa kupitia mpira kwa kuwa wa­likuwa na nidhamu na waliamini katika kutumia uwezo walionao hasa kupambana kwa hali na mali bila kujali matatizo am­bayo wanapitia, hivyo kikubwa ni kuwa na nia na kutazama kule ambako unataka kwenda.

Imani yangu ni kwamba yale matatizo ambayo yalitokea wakati uliopita kwa sasa hat­utayaona tena kwa kuwa somo litakuwa limewapata vilivyo wachezaji na maumivu ya ku­toitumikia timu yao wameya­pata.

Nikimalizia na ligi kuu, rai yangu kubwa timu zijiandae ki­saikolojia kuhakikisha kwamba ugumu ambao wanapitia usi­wafanye wakalegeza kama na kuanza kupata matokeo ma­baya ambayo hayaleti tija.

Pia matokeo yakiwa mabaya kwa timu nyingi yanaua ile lad­ha ya ushindani ambayo ilianza kuonekana kwenye ligi hiyo ambayo wengi wanaifuatilia kwa hapa nyumbani.


Matokeo ya uwanjani yanategemea maandalizi ma­zuri mkiwa nje ya uwanja kwa muda sahihi na wache­zaji kutambua kwamba wapo kwenye ushindani na sio kuleta utani na kazi zao wanazofanya.