Kocha wa timu ya Coastal Union, Juma Mgunda amesema kikosi chake kimejipanga kutibua rekodi ya Kagera Sugar katika mchezo utakaochezwa kesho uwanja wa Mkwakwani Tanga.
Kagera Sugar wana rekodi ya kucheza mechi tisa kwenye ligi kuu bila kupoteza hata mchezo mmoja, watakutana na Coastal Union ambao wamecheza michezo kumi na wamepoteza michezo miwili.
"Tunajua wapinzani wetu hawajapoteza mchezo hata mmoja hivyo wanajiamini, halitupi tabu kwa sababu tupo nyumbani, tutahakikisha tunawatibulia rekodi hiyo na kufanikiwa kuchukua point tatu rekodi zimewekwa ili zivunjwe.
"Kuhusu Ali Kiba kucheza ama kutocheza hilo lipo katika maamuzi, tuna wachezaji wengi wote tumewasajili kwa ajili ya kuitumikia timu, mashabiki wanapaswa wawe na uvumilivu wakati ukifika atacheza yupo fiti kuisaidia timu yake" alisema.
Coastal ni miongoni mwa timu ambazo zimepanda daraja msimu huu imeoneka kuleta ushindani kwa timu ambazo wamekutana nazo, wamecheza michezo kumi na kujikusanyia jumla ya point kumi na nne na kuwafanya kuwa nafasi ya tisa.
0 COMMENTS:
Post a Comment