KOCHA COASTAL UNION ASISITIZA WANATAKA KUIANGUSHA KAGERA SUGAR....

Kocha wa Coastal Union, Juma Mgunda amesema watakuwa na kazi ngumu dhidi ya Kagera Sugar, kesho lakini wanachotaka ushindi.

Mgunda amesema mechi yao kesho wamepania kushinda dhidi ya Kagera ambayo imekuwa ikifanya vizuri.

“Tunaheshimu uwezo wa Kagera Sugar, tunaheshimu uwezo wa kocha wao lakini tunataka kushinda.

“Siwezi kutabiri itakuwaje lakini tunataka kushinda kupata matokeo yaliyo mazuri,” alisema kocha huyo na mshambuliaji wa zamani wa timu hiyo.

Coastal Union iko katika nafasi ya tisa katika Ligi Kuu Bara baada ya kucheza mechi 10 na kujikusanyia pointi 14.