KAPOMBE APELEKWA CAPE TOWN KWA AJILI YA MATIBABU, MWENYEKITI SIMBA ASIMAMIA "SHOO"

Beki Shomari Kapombe wa Simba amepelekwa jijini Cape Town kwa ajili ya vipimo baada ya kuelezwa ameumia enka sana.

Mwenyekiti wa klabu ya Simba, Swedy Mkwabi ametoa kiasi cha fedha kwa ajili ya matibabu ya Kapombe ambaye alikuwa katika timu ya taifa.

Kapombe aliumia katika kambi ya Stars ikiwa nchini Afrika Kusini kujiandaa na mchezo dhidi ya Lesotho.

Kapombe aliikosa mechi hiyo kutokana na kuumia huko na sasa analazimika kukaa nje akisubiri suala hilo la matibabu.