AZAM FC WACHARUKA KWA USHINDI WA YANGA

Kikosi cha Azam FC ambacho kimeshushwa jana kileleni na Yanga, hakina mashaka yoyote na kushushwa kwao kwa kuwa wanapata hasira ya kuendelea kupambana.

Azam Fc wamecheza michezo 15 mpaka sasa wakiwa hawajapoteza mchezo hata mmoja wamezidiwa na Yanga pointi mbili baada ya  jana Yanga kushinda mbele ya Biashara United.
 
Mratibu wa Azam FC, Philip Alando amesema kuwa hana mashaka na ushindi wa Yanga kwa kuwa kadri ambavyo wao wanapata matokeo ndivyo wanavyowaongezea hasira ya kupambana.

"Kwa kadri wapinzani wetu ambavyo wanashinda inatufanya nasi tuwe makini kwa kuwa ushindi wao kwetu ni taa nyekundu ambayo inawashwa mbele yetu na kutufanya tuwe makini zaidi.

"Vijana wana juhudi na kupambana wakiwa uwanjani hali ambayo inafanya matokeo yaonekane hasa katika mechi zetu za hivi karibuni, bado ligi inaendelea na tuna michezo mingi ya kucheza," alisema.

Azam FC wameshinda michezo 12 nakutoa sare michezo 3 wakiwa wamejikusanyia pointi 39 wakiwa nafasi ya pili leo watacheza na KMC uwanja wa Uhuru.