FRED MINZIRO WA SINGIDA UNITED ATEMA CHECHE KWA RUVU YA MASAU BWIRE

FRED Minziro, kocha msaidizi wa Singida United amesema Ruvu Shooting wasitarajie wepesi kwenye mchezo wao unaofuata kwani wamejipanga kuwanyoosha ili kubeba pointi tatu.

Minziro alianza kwa kuchechemea mhezo wa kwanza dhidi ya Mbeya City kwa kuchapwa bao 1-0 aliibuka kidedea katika mchezo wake wa hivi karibuni dhidi ya Prisoss kwa kuibuka na ushindi wa mabao 2-1.

"Tupo chini kwenye msimamo, tunajua ushindani ni mkubwa tunapiga hesabu kubeba pointi tatu nyingine mbele ya Ruvu Shooting kwa kuwa tutakuwa nyumbani tutapigana kufa na kupona," amesema Minzoro.

Singida United itaikaribisha Ruvu Shooting Uwanja wa Namfua Machi 07 huku zote zikiwa na kumbukumbu ya kubeba pointi tatu kwenye michezo yao ya nyumbani.

Ruvu waliwanyoosha Mwadui FC mabao 6-2 Uwanja wa Mabatini huku Singida wao ushindi wa kwanza kwa Minziro mabao 2-1.