JKT TANZANIA YAMPIGA 'STOP' MCHAWI MWEUSI, SABABU WAZITAJA

Katibu wa JKT Tanzania Abdul Nyumba, amethibitisha klabu yao kumsimamisha kwa muda kocha wao mkuu Bakari Shime Mchawi maarufu kama Mweusi kutokana na mfululizo wa matokeo mabaya.


Kwa mujibu wa Azam TV, Nyumba amesema hawajavunja mkataba na Shime lakini kwa sasa hatohusika katika kuifundisha timu wala kukaa kwenye benchi la ufundi wakati wa mechi zao.

"Ieleweke kwamba hatujavunja mkataba wa kocha wetu mkuu.

"Amesimamishwa kwa muda hadi tutakapotangaza uamuzi mwingine kumrudisha au kuachana naye. Kwa sasa hatofundisha timu.

Maamuzi hayo yamekuja wakati JKT Tanzania ikiwa imekamata nafasi ya 9 katika msimamo wa Ligi Kuu Tanzania Bara na ikiwa imejikusanyia jumla ya alama 36 huku ikicheza michezo 30.