TFF YAICHELEWESHA KAMBI YA COASTAL UNION

KOCHA wa kikosi cha Coastal Union, Juma Mgunda amesema kuwa hana mpango wa kuweka kambi kwa sasa mpaka atakapoiona ratiba ya Ligi Kuu Bara.

Akizungumza na Saleh Jembe, Mgunda amesema kuwa kwa sasa hana presha ya kuanza maandalizi kwa ajili ya msimu ujao badala yake anasubiri ratiba ya ligi itolewe na Shirikiho la Soka la Tanzania (TFF).

"Najua msimu ujao utakuwa mgumu, kwa sasa hatuna mpango wa kuanza kuweka kambi mpaka ratiba itakapojulikana kwani sina mpango wa kuiweka timu kambini muda mrefu kusubiri ratiba na ligi kuanza.

"Mwezi wa nane sio mbali hivyo muda wowote ule TFF itakapotoa ratiba ndipo nitakapojua siku rasmi ya kuweka kambi." amesema Mgunda.