AZAM FC LEO KUMALIZA UBISHI, MASHABIKI WAITWA KUIPA SAPOTI NA KUJIBEBEA MIZAWADI YA KUTOSHA

LEO kimataifa ni zamu ya Azam FC kurusha kete ya kwanza hatua ya Kwanza ya Kombe la Shirikisho dhidi ya Triangel United ya Zimbabwe.

Sasa kwa wakazi wote wa Dar es Salaam na viunga vyake kazi ni moja tu kuipa sapoti timu ya Azam FC ambayo itakuwa kwenye uwanja wake wa Chamazi Complex.

Ile nguvu ya jana pale uwanja wa Taifa wakati Yana ikimenyana na Zesco basi ihamie kwa wa Kimataifa wengine Azam FC.

Azam Kimataifa

Imepanda ligi mwaka 2008 imeanza kushiriki michuano ya kimataifa mwaka 2013 mpaka sasa kwenye uwanja wa Chamazi imecheza jumla ya michezo tisa ya kimataifa katika hiyo imeshinda saba na kutoa sare miwili.

Rekodi zinaonyesha uwanja wa Chamazi mpaka sasa kwenye jumla ya michezo tisa ya kimataifa Azam wamefunga jumla ya mabao 15 huku wao wakifungwa sita,

Hizi hapa za kimataifa zilinyoooshwa Chamazi

 Azam FC 3- 1 El Nasir ya Sudan, Azam FC 1-0 Ferroviarioda Beira ya Msumbiji, Azam FC 2-0 Al-Merrik ya Sudan, Azam FC 4-3 Bidvest ya Afrika Kusini, Azam FC 2-1 Esperance de Tunis ya Tunisia, Azam FC 1-0 Mbabane Swallow ya Eswatin na Azam FC 3-1 Fasil Kenema ya Ethiopia.

Hizi hapa kimataifa zililazimisha sare

Azam FC 0-0 Barrack Young hii ni timu kutoka Liberia, Azam FC 0-0 FAR Rabat ya Morroco ni hizi mbili zilikuwa na kismati ndani ya uwanja wa Chamazi.

Wachezaji watakaokosekana

Agrey Morris nahodha wa Azam FC anaendelea na matibabu ya goti. Kiungo Mudhathir Yahya tayari ameanza mazoezi na wenzake alikuwa anasumbuliwa na goti ni suala la muda tu kuanza leo.

Mapilato ni majirani zetu

Mchezo wa leo utakaopigwa majira ya saa 10:00 jioni na mageti kwa sasa yapo wazi, mapilato watakaoamua mchezo waliwasili jana kutoka kwa majirani zetu hapo anapotokea nyota wa Simba, Meddie Kagere nchini Rwanda.

Uchakavu sasa

Tiketi ni buku tatu  kwa majukwaa ya mzunguko, 5,000 kwa majukwaa ya daraja la kati na V.I.P nyekundu moja tu (10,000) huku kukiwa na zawadi ya Ukwaju pamoja na juice mpya ya Ukwaju bila kusahau Ice Cream.

Umuhimu wa mchezo wa leo

Mechi ya leo kwa Azam FC ni muhimu kimataifa kwani wakishinda kwa mabao mengi wanajiweka kwenye mazingira mazuri ya kusonga mbele hatua inayofuata kwa kufuzu hatua ya mwisho ya mtoano ‘play off’ na itacheza na moja ya timu 16 zilizotolewa kwenye raundi ya Kwanza ya Ligi ya Mabingwa Afrika zikitafutwa timu 16 zitakazopangwa kwenye makundi manne ya Kombe la Shirikisho.

Hili hapa kosi la ushindi

Razak Abalora yupo langoni kwa upande wa mabeki

Nickolas Wadada, Bruce Kangwa,Daniel Amoah na Yakubu Mohamed twende kwenye viungo,Richard Djod, na Salum Aboubakar ‘Sure boy’ washambuliaji Obrey Chirwa, Donald Ngoma, Emmanuel Mvuyekule na Idd Seleman ‘Naldo’.

Hawa watakuwa wanausoma mchezo nje,Mwadin Ally, Oscar Masai, Abdallah Masoud, Salmin Hoza, Frank Domayo, Paul Peter, Idd Kipagwile.

 Etienne Ndayiragije, Kocha Mkuu wa Azam FC amesema :“Ni mchezo mgumu na muhimu kwetu kushinda, kila kitu kipo sawa na tuna amini tuna nafasi ya kushinda ukizingatia tupo nyumbani kikubwa ni sapoti ya mashabiki na wachezaji watatimiza majukumu yao,”.