MLINDA MLANGO WA SIMBA AIPA UBINGWA TIMU YAKE JUMLA

MLINDA mlango namba moja wa Simba, Aish Manula amesema kuwa msimu huu Simba ina nafasi kubwa ya kutetea ubingwa kutokana na ubora wa kikosi walichonacho.

Manula msimu uliopita aliweka rekodi mbili kimataifa kwa kuipeleka Simba hatua ya robo fainali ya Ligi ya Mabingwa pamoja na timu ya Taifa ya Tanzania ‘Taifa Stars’ hatua ya makundi ya Afcon tayari amedaka mechi mbili na Simba ilibeba pointi zote sita.

Manula amesema kuwa nafasi ni kubwa kwa Simba kutwaa ubingwa jambo ambalo linawafanya wapambane muda wote.

“Tunakikosi kipana chenye wachezaji wengi na wa aina tofauti ndio maana hata kwa upande wangu tupo magolikipa zaidi ya wawili na wote ni bora hapo ndipo changamoto inaanzia.

“Bado nafasi ni kubwa kwa timu yetu kutwaa ubingwa kikubwa ni sapoti kwa mashabiki na sisi wachezaji kuongeza juhudi kwani ligi ni ngumu na kila timu inahitaji ushindi,” amesema Manula.