NAMUNGO, SIMBA NA LIPULI ZAWEKA REKODI TAMU TPL

IKIWA kwa sasa Ligi Kuu Tanzania Bara inayodhaminiwa na Vodacom ipo mzunguko wa kwanza tayari kuna rekodi za kibabe ambazo zimewekwa na timu tatu Bongo zikiongozwa na Simba ambao ni mabingwa watetezi wa ligi.

Timu hizo ambazo ni Simba, Lipuli na Namungo zimecheza jumla ya michezo miwili na kujikusanyia jumla ya pointi sita kwa msimu huu jambo linaloongeza utamu wa ligi.

Rekodi ya kwanza ambayo timu hizi iliweka ni kushinda mechi za kwanza na majina ya wachezaji wao kuibuka kwenye fainali ya kuwania tuzo ya mchezaji bora wa mwezi, Simba iliwakilishwa na Meddie Kagere, Lipuli iliwakilishwa na Seif Karihe huku Namungo wao wakiwakilishwa na Lukas Kikoti na mbabe wao akawa Kagere.

Pia kwenye michezo yao ya pili zote zimefanikiwa kusepa na pointi tatu na kuwa miongoni mwa timu ambazo zimeshinda mara mbili mfululizo kwa msimu huu mpya wa 2019/20.

Simba ilishinda mbele ya Mtibwa Sugar mabao 2-1 uwanja wa Uhuru, Namungo 2-0 dhidi ya Singida United uwanja wa Majaliwa na Lipuli bao 1-0 dhidi ya JKT Tanzania uwanja wa Isahmuyo.