YANGA YAPEWA KAZI NGUMU CAF NA KOCHA WA SIMBA

JACKSON Mayanja, aliyekuwa kocha wa zamani wa Simba na Coastal Union kwa sasa yupo ndani ya KMC amesema kuwa wachezaji wa Yangawanapaswa kujipanga kufuta makosa yao kimataifa kwa kufanya vema kwenye Michuano ya  Kombe la Shirikisho inayoandaliwa na Shirikisho la Soka Afrika (Caf).

Yanga imeondolewa kwenye mpango wa Ligi ya Mabingwa baada ya kufungwa na Zesco sasa ipo ndani ya Kombe la Shirikisho Afrika na makundi yanatarajiwa kufanyika nchini Misri Octoba 10.

Akizungumza na Saleh Jembe, Mayanja amesema kuwa wawakilishi wa Tanzania wana kazi ngumu ya kufanya kwenye michuano ya kimataifa kutokana na ushindani uliopo kwenye michuano ya kimataifa.

“Michuano ya kimataifa ni tofauti na ligi yetu ambayo tunaicheza kwa sasa hivyo timu itakayopata fursa ya kupeperusha bendera ni lazima ijipange kisawasawa kwani matokeo yanabebwa na maandalizi.

“Natambua kwamba kila timu inahitaji matokeo ndio maana inashiriki ila ugumu kwenye michuano ya kimataifa ukishindwa kutumia vema uwanja wa nyumbani kuna ugumu kwenye michezo ya nje,” amesema Mayanja.