DUH! MANCHESTER UNITED YACHAPWA NA TIMU YA INAYOBURUZA MKIA MIBAO 2-0

KIKOSI cha Watford ambacho kinaburuza mkia kwenye msimamo leo kimepata ushindi wake wa pili kwenye mechi zake za Ligi Kuu England baada ya kuibuka na ushindi wa mabao 2-0 dhidi ya Manchester United.

Watford ambao wanashika nafasi ya 20 kwenye Ligi Kuu England wamepambana mbele ya Manchester United iliyo nafasi ya nane kwenye ligi na kusepa na pointi tatu muhimu.

Licha ya kushinda mechi ya leo bado inabaki nafasi ya 20 baada ya kucheza mechi 18 ikifikisha jumla ya pointi 12 huku wapinzani wao United nao wakisalia na pointi zao 25.

Mabao ya Watford yalipachikwa kimiani na Ismaila Sarr dakika ya 50 bao ambalo lilimchanganya mlinda mlango David de Gea kwa kushindwa kulizuia wakati likipita mikononi mwake dakika na lile la pili likifungwa kwa penalti na Troy Deeney baada ya  Aaron Wan-Bissaka's kumchezea faulo Sarr dakika ya 54.

Paul Pogba amerejea kwa mara ya kwanza ndani ya kikosi baada ya kuwa nje tangu mwezi Septemba kutokana na kusumbuliwa na majeraha na aliingia dakika ya 64.