SIMBA: TUNAIHESHIMU YANGA ILA POINTI ZAO TUNAZIHITAJI PIA

PASCAL Wawa, beki kisiki wa Simba ni miongoni mwa wageni ambao wamekuwa na mchango mkubwa ndani ya Simba baada ya kutua msimu uliopita wa 2018-19 akitokea nchini Ivory Coast ambapo alishuhudia timu yake ikitwaa taji la Ligi Kuu Bara kwa mara ya pili mfululizo.

Kwa sasa amekuwa na mhimili mhimili ndani ya Simba kwenye safu ya ushambuliaji akishirikiana na Shomari Kapombe, Erasto Nyoni, Haruna Shamte, Keneddy Juma kwenye ulinzi wa ngome yao wakiwa ndani ya uwanja.

Wawa amecheza jumla ya mechi tisa kati ya 12ambazo imecheza Simba na alisimama imara kwenye safu ya ulinzi kwani hakuruhusu wapinzani kuwaokotesha mipira nyuma ya nyavu.

Mechi alizoanza ilikuwa ni wakati wa Kocha Mkuu Patrick Aussems alimuamini kwenye jumla ya mechi 7 nazo alikuwa imara muda wote ilikuwa dhidi ya Kagera Sugar ikishinda mabao 3-0 alikuwa ndani, Biashara United 0-2 Simba, Simba 1-0 Azam FC,Singida United 0-1 Simba,Simba 4-0 Mbeya City, Simba 0-0 Tanzania Prisons, Ruvu Shooting 0-3 Simba.

 Hata sasa ameanza vizuri chini ya kocha mpya, Sven Vanderbroek ambapo amecheza mechi mbili za ligi akianza kikosi cha kwanza ilikuwa wakati Simba ikishinda mabao 4-0 Lipuli na KMC 0-2 Simba.

Mechi tatu, Wawa hakuwa benchi kabisa ilikuwa ni mbele ya JKT Tanzania  dhidi ya Simba iliposhinda mabao 3-1 Simba  2-1 Mtibwa Sugar pia na kichapo cha kwanza kwa Simba msimu huu wa 2018-19 bao 1-0 ilichopokea Simba kwa Mwadui hakuwa ndani ya uwanja wala benchi.

Januari 4, leo Jumamosi kutakuwa na pambano la kukata na shoka kati ya Simba na Yanga ambalo limeteka hisia kubwa za mashabiki wa ndani na nje ya Bongo, Wawa anazungumza mengi kuhusu ubora wake na hesabu kuelekea mchezo huo huyu hapa:-

“Wakati huu wa sasa sio sawa na zamani, soka limekuwa na ushindani mkubwa na kila mmoja anakiona kile unachokifanya jambo linalofanya kila wakati nipambane kujiweka bora zaidi.

Unadhani tofauti ya msimu huu na uliopita ni ipi?

“Kila muda una changamoto zake kwa sasa hatuwezi kuzungumzia yale yaliyopita bali tunatazama hapa ambapo tupo na kuona namna gani tunaweza kutoka.

“kila msimu una ugumu wake na upekee jambo ambalo linafanya maisha ya soka yaendelee kusonga mbele.

Unaipa nafasi ipi timu yako ya Simba?

“Bado kwa sasa ligi inaendelea kupata matokeo mwanzo haina maana kazi imesiha tuna majukumu ya kuenelea kufanya zaidi ya hapa kwani kikubwa ambacho tunakihitaji ni matokeo.

Kipi ambacho kinawabeba kwa sasa?

“Ushirikiano uliopo ndani ya Simba kila mchezaji pamoja na wale ambao wanatuongoza wanajua namna ya kile ambacho tunahitaji kukifanya.

“Mashabiki wanatupa sapoti katika kila jambo hiyo pia inaongeza nguvu yetu kufanya vizuri.

Ubora wako umejificha kwenye nini?

“Kupenda kile ambacho ninakifanya, kazi yangu ni kuona namna gani nafanya vema muda wote hilo linanipa nguvu ya kuwa bora.

Mchezo wenu dhidi ya Yanga unauzungumziaje?

“Hautakuwa mchezo mwepesi kwani kila timu inahitaji ushindi, kwetu sisi kila baada ya kumaliza mechi tunatazama mechi inayfuata hivyo hatuna presha yoyote na mechi yoyote inayotuhusu.

Maandalizi yapoje katika hilo?

“Tunafanya maandalizi ya mechi zote hatujiaandai kwa ajili ya mechi dhidi ya Yanga pekee, kila timu ambayo tunakutana nayo tunajiapanga ili kupata matokeo nina amini hata wapinzani wetu wamejipanga kupata matokeo.

“Kama ambavyo tunafaya siku zote tunalenga mbele zaidi hicho ndicho ambacho tunakifikiria tunamaani tutafanya vizuri mashabiki watupe sapoti.

Unapata picha gani ya mchezo huo?

“Kama ilivyo mingine tu ni mchezo mzuri, tunawaheshimu wapinzani wetu. Kikubwa ni malengo na kufanya kazi tukiwa timu hakuna kingine.

Unahofia nini ukiwa uwanjani?

“Nikiwa kwenye uwanja sina hofu yoyote zaidi ya kujifunza muda wote, ninaamini sitakuwa bora endapo sitafanya makosa. Kupitia makosa najifunza kisha najifunza ili kuwa bora.

Siri ya mafanikio ni nini?

“Maombi kwa Mungu, unajua yeye ndiye anayetufanya tunakuwa wajanja ndani ya uwanja, nje ya uwanja na kwenye mambo mengine ambayo tunayafanya,”. Anamaliza Wawa.