CORONA YAWAVURUGAVURUGA BIASHARA UNITED

KLABU ya Biashara United ya Musoma mkoani Mara imeshindwa kuwarejesha wachezaji kambini kama ratiba yao ilivyokuwa kutokana na kuendelea kwa janga la Virusi vya Corona vinavyosababisha Ugonjwa wa Covid-19.

Mwenyekiti wa Biashara United, Selemani Kichele amesema: “Tumekaa na kujadili tukakubaliana tuendelee kusubiri tamko la Serikali juu ya Corona, wakitangaza tuendelee na michezo sisi tutawaita wachezaji kambini kuendelea na kambi lakini kwa sasa wachezaji wapo nyumbani.”

Aidha, aliongeza kuwa anawaomba wadau kuendelea kuiunga mkono klabu hiyo katika michezo yake ili waweze kufanya vizuri.

Awali, Biashara United iliwapa wachezaji wake likizo ya wiki mbili baada ya kusimama kwa Ligi Kuu Bara kupisha mapambano ya Corona lakini hali imebadilika