KMC YAGOMEA KUSHUKA DARAJA, YATAJA MBINU ZITAKAZOWABAKIZA MSIMU UJAO

HASSAN Kabunda, winga wa KMC amesema kuwa wamekubaliana kwa pamoja kupambana ili wasishuke daraja msimu ujao.

Akizungumza na SpotiXtra, Kabunda alisema kuwa wapo kwenye nafasi mbaya kwenye msimamo wa ligi jambo ambalo linawafanya wapambane kwa kasi kurejea kwenye ubora wao.

“Tulianza kuwa bora kabla ya ligi kusimama kutokana na Virusi vya Corona, lakini tumekubaliana kuendelea kupambana ili tusipate matokeo mabaya yatakayofanya tushuke daraja msimu ujao, inawezekana kubaki na hatutaki kushuka daraja,” alisema.

KMC ipo nafasi ya 15 kwenye msimamo imecheza mechi 29 na imejikusanyia pointi 33 kibindoni, Juni 20 itamenyana na Ruvu Shooting Uwanja wa Uhuru.