KIUNGO FUNDI WA ZIMBABWE AKUBALI KUTUA SIMBA

KIUNGO fundi wa FC Platinum raia wa Zimbabwe, Nomore Chinyerere amesema yuko tayari kutua kwenye kikosi cha mabingwa wa Ligi Kuu Bara klabu ya Simba kama tu wataweka mezani dau linaloeleweka.

Chinyerere ambaye alionyesha kiwango kikubwa kwenye mchezo wa marudiano wa ligi ya mabingwa Afrika dhidi ya Simba uliopigwa Jumatano iliyopita kwenye uwanja wa Mkapa jijini Dar es Salaam ametajwa kuzivutia klabu nyingi kutoka Tanzania zilizoonyesha nia ya kumsajili.

Akithibitisha kuhusu dili hilo la kujiunga na Simba, Chinyerere amesema: "Nimepata taarifa kuwa kuna baadhi ya timu za Tanzania ambazo zimevutiwa na uwezo wangu na kuonyesha nia ya kunisajili ikiwemo Simba, kwa upande wangu niko tayari kujiunga nao kama wataleta ofa ambayo itakubaliwa na viongozi wangu,"