IHEFU inayonolewa na Kocha Mkuu, Zuber Katwila leo Februari 12 wameipapasa Ruvu Shooting mabao 2-0,kwenye mchezo wa Ligi Kuu Bara uliochezwa Uwanja wa Mabatini.
Mtupiaji wa mabao ya Ihefu ni Issa Ngoah dakika ya 21 na dakika ya 90+2 na kuipa timu yake pointi tatu jumla.
Matokeo hayo yanaifanya Ihefu FC kupanda kutoka nafasi ya 18 mpaka ya 16 ikiwa imefikisha jumla ya pointi 16 kibindoni na imecheza jumla ya mechi 19.
Ruvu Shooting inabaki nafasi ya tano ikiwa na pointi zake 28 baada ya kucheza jumla ya mechi 19 kwa msimu wa 2020/21.
Ihefu FC wanafanikiwa kuweka rekodi yao mbele ya Ruvu Shooting kwa kusepa na pointi zote sita ndani ya ligi na kuifunga timu hiyo nje ndani msimu wa 2020/21.
Mzunguko wa kwanza Uwanja wa Sokoine, Ihefu ilishinda bao 1-0 na leo wameshinda mabao 2-0 ugenini. Jumla wameifunga Ruvu Shooting mabao matatu huku nyavu zao zikiwa salama.
Mpira wa Bongo yani siuelewi kabisa Ruvu wakikutana na Simba au Yanga ndo wanakaza misuli yote,kisha wanapo kutana na vitimu vidogo wanalegea
ReplyDeleteNdo hivyo hivyo hata kesho MBEYA CITY tunapiga mtu, kwani nani anapenda kushuka daraja
ReplyDelete