WASUDAN WASICHUKULIWE POA KAZI IPO KWA SIMBA KUTUSUA

WAWAKILISHI wa Tanzania katika michuano ya Ligi ya Mabingwa Afrika, Simba, Jumamosi ya  Machi 6, mwaka huu, kwa mara nyingine watatupa karata yao ya tatu katika hatua ya makundi kwa kucheza  na timu ya Al Merrikh ya Sudan.

Machi 6 yenyewe ni kesho ambayo inasubiliwa kwa shauku na mashabiki wengi Tanzania na nje ya Tanzania huku Visit Tanzania ikizidi kupasua anga.

Kwa namna ambavyo ushindani ulivyo na aina ya mchezo wenyewe kuwa ni wa hatua ya makundi Ligi ya Mabingwa Afrika zitakuwa ni dakika 90 za ushindani mkubwa.

 

 Mchezo huo, utapigwa siku ya Jumamosi, Sudan ukiwa ni mchezo wa pili  kwa Simba kucheza ugenini katika hatua hiyo.  Ule wa awali  walicheza pale DR Congo dhidi ya AS Vita na kuibuka na ushindi wa bao 1-0.

 

  Mpaka sasa Simba katika Kundi A wao ni vinara wakiongoza kwa pointi sita baada ya kushinda michezo yake miwili ya awali akimfunga Al Ahly(1-0) na As Vita(0-1) na safari hii atacheza na mpinzani wake watatu.

 

 Ushindi ambao Simba walipata katika michezo ya awali ni wazi sio tiketi ya moja kwa moja wao  kusema watashinda mbele ya Al Merrikh  hivyo, wanatakiwa kujipanga kweli katika hilo kwa kuhakikisha wanarejea nyumbani na pointi tatu.

 

 Simba inaenda kucheza mchezo wake wa tatu huo, lakini, itakumbana na ugumu kutoka kwa wapinzani wao ambao tayari wana maumivu makali na wanamachungu kutokana na vipigo ambavyo tayari wameambulia katika michezo ya awali ilipocheza dhidi ya As Vita na Al Alhy, hivyo Simba inatakiwa kujipanga.

 

 Kwa sasa hakuna asiyefahamu ubora na uimara wa kikosi cha Simba, lakini wanapoenda kupambana Sudan wanatakiwa kwenda kwa tahadhari kubwa  kwani huu  ni moja kati ya mchezo mgumu ambao  wanaenda kukutana nao tofauti na wengi ambavyo wanaichukulia Al Merrikh.

 

  Nidhamu,  kufuata maelekezo ya kocha au kile ambacho watakuwa wanaelekezwa kinatakiwa kukaa vizuri katika vichwa vya wachezaji wa Simba wanatakiwa kucheza kwa umakini na wasijiamini sana sababu huu ni  mpira lolote linaweza kutokea kwao kama wasipokuwa makini.

 

  Tunafahamu kuwa siku zote mpira una matokeo ya aina tatu, lakini bidii pia ndani ya uwanja inaweza kubadili mambo, kwani  kila hamu ya mwanasimba na watanzania  kwa ujumla ni kuona timu hiyo inaendelea kupata  matokeo bora na kuendelea kuipeperusha  bendera ya Tanzania  vyema katika michuano hiyo mikubwa.

 

 Hivyo hawa Wasudan wasidharauliwe bali wanatakiwa kuangaliwa kwa umakini na tahadhari kubwa na pia tayari watakuwa wamewasoma vizuri Simba katika michezo iliyoita, ingawa na Simba nao tayari wamefanya hivyo, soka la nidhamu linatakiwa kuzingatiwa kwa kiasi kikubwa.

 

 Pia wachezaji wa Simba wanatakiwa  wasijisahau bali wazingatie nidhamu wajitume na wasijiamini sana wakapatiliza na kuweza kuharibu mambo, zaidi wapambane kupata matokeo na kuendelea kuandika historia bora ndani ya michuano hiyo ya Ligi ya Mabingwa Afrika.

 

 Ile rekodi ya hivi karibuni ya kufika hatua ya robo fainali ya Ligi ya Mabingwa Afrika, safari hii wanatakiwa kuifuta na kwenda mbali zaidi kwa kufika hatua ya nusu fainali na hata ikiwezekana fainali kabisa na kuweka historia bora kabisa kuwahi kutoka kwa timu za upande wa Afrika Mashariki na Kati.

 

Yale mabao ya jioni ambayo yalikuwa yanajazwa kimiani na wachezaji wa Simba kupitia kwa Clatous Chama haina maana kwamba yatajirudia ila jambo la msingi ni maandalizi.

Uzuri ni kwamba mwalimu Didier Gomes ambaye ni Kocha Mkuu wa Simba anatambua namna wapinzani wao walivyo kwa kuwa alishawahi kuwafundisha.

Licha ya kuwafundisha bado haina maana kwamba mchezo huo utakuwa mwepesi kwao ni lazima wajitume na kusaka ushindi bila kuogopa.