KOCHA KAIZER CHIEFS AFUTWA KAZI

 

KAIZER Chiefs wametangaza kusitisha mkataba wa kocha wao, Gavin Hunt mara moja.

Hunt alijiunga na Amakhosi mnamo Septemba mwaka jana, kwa ajili ya msimu wa 2020/21.

Katika kipindi alichohudumu ndani ya kikosi cha Kaizer  msimu huu, Hunt aliisimamia Kaizer katika michezo rasmi 44 ya mashindano yote akishinda michezo 12, sare 17 na kupoteza mara 15.

Uongozi wa Kaizer umetangaza kuwa kwa sasa timu hiyo kwa muda itakuwa chini ya makocha wasaidizi, Arthur Zwane na Dillon Sheppard watakaosimamia timu ya wakubwa, mpaka pale kocha mpya atakapotangazwa.