MUKOKO WA YANGA AINGIA ANGA ZA HOROYA

UONGOZI wa Yanga umekiri kuwa ubora wa

Mkata Umeme wao Mkongomani, Mukoko

Tonombe umekuwa ukizivutia klabu nyingi

kubwa barani Afrika, ambazo zimeonekana

kuhitaji huduma ya kiungo huyo.

Mukoko ambaye amebakisha mwaka mmoja tu

katika mkataba wake na Yanga, ameonekana

kuzivutia baadhi ya klabu kubwa wakiwemo wababe wa soka kutokea nchini Guinea, Horoya

ambao wanatajwa kuweka dau la zaidi ya Sh

milioni 400 za Kitanzania kwa ajili ya kupata

huduma yake.

Mukoko akiwa katika msimu wake wa kwanza

tu ndani ya kikosi cha Yanga, amefanikiwa

kuhusika katika mabao nane akifunga mabao

manne na kuasisti mabao manne mpaka sasa.

Mkurugenzi wa Mashindano wa Yanga, Thabit

Kandoro, alisema: “Siyo jambo jipya sana

kusikia mchezaji kama Mukoko Tonombe

anawindwa kusajiliwa na timu kubwa kutokana

na ubora alionao kwa sasa, na hasa ukizingatia

kuwa ni miongoni mwa wachezaji wachache

walio na nafasi kwenye kikosi cha timu ya taifa

ya Congo.

“Hivyo kama uongozi wa Yanga tunaelewa

kuwa kuna timu nyingi za nje ya nchi ambazo

zinahitaji huduma ya Mukoko, ambazo

nisingependa kuzitaja lakini hatujapata ofa

yoyote mpaka sasa.”