IMEELEZWA kuwa Mauricio Pochettino yupo kwenye mpango wa kurejea katika timu yake ya zamani ya Tottenham baada ya kutokuwa na furaha ndani ya timu yake ya sasa ya PSG kwa mujibu wa ripoti.
Raia huyo wa Argentina alifutwa kazi ndani ya Tottenham Spurs mwaka 2019 baada ya timu kutokuwa kwenye mwendo mzuri kwa kushindwa kutwaa taji la Ligi ya Mabingwa Ulaya baada ya kufungwa na Liverpool katika mchezo wa fainali jambo lililomfanya mwenyekiti Daniel Levy kufanya mabadiliko.
Mrithi wa mikoba ya Pocchetino ambaye alikuwa ni Jose Mourinho naye alikwama kufikia mafanikio kutokana na wachezaji kutoelewa mbinu zake jambo lililofanya naye akafutwa kazi mazima kwa kuwa ilishindwa kumaliza ndani ya nne bora.
Spurs kwa sasa wanahitaji kupata kocha mpya lakini kumekuwa na orodha fupi ya makocha ambao wanapewa nafasi ya kuinoa timu hiyo kwa mujibu wa the Sun imeeleza kuwa Pochettino ni miongoni mwa hesabu za mabosi hao wakihitaji kumrejesha tena.
Pochettino alijiunga na PSG Januari,2021 ila ameshindwa kuwa na mwendo mzuri kwa kushindwa kutinga hatua ya fainali ya Ligi ya Mabingwa Ulaya baada ya kutolewa na Manchester City.
0 COMMENTS:
Post a Comment