YANGA YAPEWA BEKI WA AS VITA

 BENCHI la ufundi la timu ya AS Vita ya DR

Congo limebariki rasmi beki wa pembeni wa

timu hiyo, Djuma Shabaan kujiunga na Yanga

ikiwa tu watafikia kwenye makubaliano mazuri.

Beki huyo wa kimataifa wa DR Congo amekuwa

katika kiwango bora, kiasi ambacho amezivutia

timu nyingi ikiwemo Yanga ambayo inaelezwa

wapo katika hatua nzuri ya kuweza kumnasa

beki huyo ambaye amehusishwa na kutakiwa

na Simba hivi karibuni.

Akizungumza na Championi Ijumaa, Kocha

Msaidizi wa AS Vita, Raoul Shungu, amefichua

kuwa kwa upande wao hawawezi kumzuia

mchezaji yeyote kuondoka kwenye timu hiyo

ikiwa atapewa maslahi mazuri, hivyo kama

Yanga watatoa fedha watampata na litakuwa

jambo zuri kwa mchezaji huyo.

“Kuhusu unachoniambia kwa

upande wetu wala hatuna tatizo kama benchi la

ufundi tupo tayari kumuachia.

“Unajua kwa upande wetu ligi ikishamalizika,

tunatoa ruhusa kwa mchezaji yeyote kuondoka,

sasa suala la Djuma ni hao Yanga wenyewe

kufikia makubaliano na mchezaji ili aweze kujiunga nao, sisi hatuna shida kwa kuwa tuna

kawaida ya kutengeneza wengine,” alisema.