MOURINHO AIBUA UPYA BIFU LAKE NA LUKE SHAW

 

KOCHA wa zamani wa Manchestrer United ambaye kwa sasa anahudumu ndani ya kikosi cha AS Roma, Jose Mourinho ameibua tena ugomvi wake wa maneno na beki wa klabu ya Manchester United raia wa England, Luke Shaw baada ya kusema kuwa nyota huyo alipiga kona za hovyo katika mchezo wa England dhidi ya Jamhuri ya Czech.

Mourinho alitoa dongo hilo kulenga mchezo wa Jumanne kati ya Jahmhuri ya Czech dhidi ya England ambapo England waliibuka na ushindi wa bao 1-0, bao lililofungwa na Raheem Sterling.

Mourinho na Shaw wamekuwa katika bifu la maneno kwa miaka minne sasa, bifu lililotokana na uhusiano mbaya waliokuwa nao kipindi Mourinho akiwa kocha wa Manchester United.

Katika mahojiano yake na kituo cha talkSPORT Mourinho amesema: “Kitu kibaya nachoweza kusema ni kuwa kwa mara nyingine tena England walikuwa na mashambulizi dhaifu ya kona, katika mchezo dhidi ya Jamhuri ya Czech.

“Mpiga kona alikuwa akipiga kona mbovu, licha ya kuwa na wachezaji wengi bora ambao wangeweza kutumia mipira ya kona kwa faida.”