KATIKA kuhakikisha wanakwepa hujuma za wapinzani wao Jwaneng Galaxy ya nchini Botswana, viongozi wa Simba wameshtuka na haraka wakabadili uwanja.
Timu hizo zinatarajiwa kuvaana Jumapili hii na Simba ndiyo mgeni katika mchezo huo utakaopigwa Botswana.
Simba tayari imewatanguliza viongozi watatu nchini huko kwa ajili ya kuandaa mazingira ambao ni Mratibu Ali Abbas, mpishi wao Mkuu Samweli Mtundu ‘Sam’ na Mtaalamu wa tathmini, Culvin Mavhunga.
Timu hiyo hivi sasa ipo kambini ikiendelea kujifua kwenye Uwanja wa Boko Beach jijini Dar es Salaam.
Kwa mujibu wa taarifa ambazo imezipata Championi Jumatatu, baada ya viongozi wa timu hiyo kutua nchini huko, haraka walibadili uwanja wa kuwafanyia mazoezi waliopanga kuutumia awali.
Mtoa taarifa huyo alisema kuwa sababu ya kubadili ya uwanja huo ni kukwepa hujuma baada ya kushtukia baadhi ya vitu kutoka kwa wapinzani wao.
Aliongeza kuwa viongozi hao wamepata uwanja mwingine watakaoutumia kwa ajili ya mazoezi kwa muda wa siku mbili mara baada ya msafara wa timu hiyo utakapotua Botswana.
“Makusudi tumewatanguliza viongozi wetu watatu Botswana kwa ajili ya kuandaa mazingira mazuri ya timu itakapofikia.
“Kikubwa kutafuta hoteli na uwanja mzuri tutakaoutumia kwa ajili ya mazoezi vitu vyote hivyo vimepatikana.
“Tatizo lilikuwepo ni kwenye uwanja wa mazoezi pekee ambao tuliubadilisha haraka baada ya kuhisi hujuma kwa wapinzani wetu, hivyo tumetafuta mwingine tutakaoutumia kwa siku mbili pekee,” alisema mtoa taarifa huyo.
Tunawatahadharisha simba hiyo nechi mpaka sass haijakaa vyema kwa upande wao kwenye darubini za karama. Simba wanatakiwa kuwa makini hasa kwa wachezaji wao wajuwe wanavita vikubwa kwenye hiyo mechi. Hii mechi kama wataichukulia poa basi kuna hatari yaliotokea kwa UD songo kujirejea tena.Hawa jamaa wamekusudia kufanya kila lililopo ndani ya uwezo wao kuhakikisha wanasonga hatua ya makundi na nyota hadi sasa inawaangazia wao Zaidi.kwangu mimi hii ni robo au nusu fainali iliokuja mapaema kwa Simba kwa hivyo wanatakiwa kuwa makini pamoja na kuwaheshimu wapinzani wao kama wanapokutana na timu yeyote Kubwa barani African kwani wameekeza kila kitu kwa ajili ya ligi ya mabingwa.
ReplyDelete