WEMA AMUOKOA KAJALA, ALIPA MILIONI 13 NA KUMUEPUSHA NA KIFUNGO CHA MIAKA 7 JELA, MUMEWE AFUNGWA

 Kesi inaendelea...Kajala na mumewe..

Msanii wa filamu, Kajala leo alihukumiwa miaka saba jela, au kulipa Sh milioni 13, hali iliyozua hofu na mshangao huku wengi wakiwa hawajui watamuokoa vipi.

Lakini msanii mwingine maarufu wa filamu, Wema Abrahamu Sepetu alijitokeza na kumwaga Sh milioni 13 na kumuokoa Kajala ambaye alipata pigo baada ya mumewe Faraji Agustino kwenda gerezani.

Agustino alihukumiwa kwenda jela miaka saba au fedha Sh milioni 200 ambazo zilikosa mlipaji, hivyo akapanda karandika kwenda kuanza maisha ya gerezani.

Mzee Masanja, baba wa Kajala (kusoto) wakijadili jambo na Wema, Dk Cheni na ndugu wengine..

Kajala alikuwa anakabiliwa na kesi ya kuuza nyumba iliyowekwa kizuizini na Taasisi ya Kuzuia na Kupambana na Rushwa (Takukuru) baada ya mumewe huku Agustino akiwa na msala wa kutakatisha fedha haramu.

Dakikia chache baada ya huku ya Kajala, Wema ambaye alishauriana na wasanii wenzake akiwemo baba mzazi wa Kajala, Mzee Masanja na mambo kuoneakan yamezidi unga.

Msanii huyo maarufu, muda mwingine alionekana kutafakari wakati mjadala ukiendelea, kabla ya kuondoka na kwenda benki ambako alichota mkwanja huo na kurudi na kumkomboa Kajala.

Wasanii mbalimbali walijitokeza leo katika mahakama ya Kisutu jijini Dar, akiwamo Elizabeth Michael maarufu kama Lulu ambaye aliongozana na mama yake mzazi.

Pia Dk Cheni ambaye alishiriki katika juhudi za kuhakikisha Lulu anapata dhamana kutokana na kesi yake inayomkabili ya tuhuma za mauaji ya Steven Kanumba.