Uongozi wa timu ya Fanja ya Oman, pamoja na kocha wao wa zamani, Talib
Hilal, umewatumia Simba salamu za pongezi baada ya kufanikiwa kufanya uchaguzi
wa viongozi wapya.
Simba ilifanya uchaguzi mkuu siku chache zilizopita, huku Evans Aveva
akifanikiwa kuchaguliwa kuwa rais mpya wa klabu hiyo ya Mtaa wa Msimbazi jijini
Dar.
Fanja wamekuwa na uhusiano mzuri na Simba kwa muda mrefu na msimu
uliopita waliialika timu hiyo kwenda Oman kwa ajili ya kambi ya maandalizi ya
msimu.
Katika barua hiyo ambayo SALEHJEMBE INA NAKALA YAKE, Fanja wamesema wanafurahia kuona timu hiyo imefanya
uchaguzi huo kwa amani na wanafurahia kwa kuwa wataendeleza uhusiano wao mzuri
na viongozi wapya wa Msimbazi.
“Fanya imekuwa na uhusiano mzuri sana na Simba kwa muda mrefu, uhusiano
huu umekuwa ukiboreshwa zaidi na mchezaji wao wa zamani na nahodha Talib Hilal.
“Talib bado amekuwa na uhusiano wa karibu sana nasi, tunaamini kuwa
uongozi mpya utaendeleza uhusiano ule wa awali,” ilisema barua hiyo.
Uchaguzi wa Simba uliofanyika mwishoni mwa mwezi uliopita, mbali na
Aveva lakini viongozi wengine ni Geofrey Nyange ‘Kaburu’ ambaye alichaguliwa
kuwa makamu wake na wajumbe wa Kamati ya Utendaji.
0 COMMENTS:
Post a Comment