 |
| MAXIME |
Wakati uongozi wa Simba uko katika utatuzi wa sakata la wachezaji wake watatu Haruna
Chanongo, Amri Kiemba na Shabani Kisiga, Kocha Mkuu wa Mtibwa Sugar, Mecky
Maxime, amesema kuwa anawahitaji nyota hao.
Hivi karibuni uongozi wa Simba uliwasimamisha
wachezaji hao kwa tuhuma za utovu wa nidhamu, wakidaiwa kuufanya wakati
walipokuwa mkoani Mbeya na kikosi cha timu hiyo lakini juzi waliitwa na
kuhojiwa na hukumu yao inatarajiwa kutoka leo.
Maxime
amesema kuwa kama Simba haina tena mpango wa kuendelea na wachezaji hao katika
kikosi chake, basi yeye yupo tayari kuwachukua.
“Wachezaji hao ni wazuri na hakuna mtu yeyote
anayeweza kupinga juu ya hilo, hivyo kama Simba watawaacha nipo tayari
kuwachukua.
“Kama wana matatizo ya nidhamu, hilo ni jambo
la kawaida ambalo linarekebishika, hivyo wakija kwangu nina imani
watarekebishika na watafanya kazi yao kwa amani zaidi,” alisema Maxime.
0 COMMENTS:
Post a Comment