MAXIME ASEMA YEYE, WACHEZAJI WAKE WATAPIGANA HADI TONE LA MWISHO

Kocha wa Mtibwa Sugar, Mecky Maxime amesema yeye, benchi lake la ufundi pamoja na wachezaji watapambana hadi mwisho wa tone la mwisho.

Maxime amesema wanaendelea kupambana katika mechi zilizobaki ili kubaki katika Ligi Kuu Bara.

"Ukiangalia hali yetu kwanza lazima tukubali kuwa si nzuri. Kuikubali maana yake lazima tupambane na kujikomboa.

"Tunaamini bado tuna nafasi ya kufanya vema na kubaki katika ligi kuu. Si lahisi lakini lazima tupambane hadi mwisho kwa nguvu zote," alisema Maxime.

Mtibwa ambayo ilianza ngumi vizuri kwa nguvu, ilianza kupoteza mwelekeo mwishoni mwa mzunguko wa kwanza.

Mzunguko wa pili mambo yalizidi kuonekana mabaya zaidi na kusababisha kikosi hicho kuzidi kupoteza mwelekeo hadi kuingia kwenye kundi la timu zinazowania kubaki Ligi Kuu Bara.