NOOIJ AMJUMUISHA KESSY WA SIMBA KATIKA KIKOSI CHA STARS KITACHOIVAA MISRI

KESSY (WA PILI KULIA) AKWIA NA WENZAKE KATIKA MAZOEZI YA STARS, JANA.

Timu ya taifa ya Tanzania, Taifa Stars, imeondoka jana kuelekea jijini Addis Ababa nchini Ethiopia kuweka kambi lakini Kocha Mkuu Mart Nooij amefanya mabadiliko kadhaa katika kikosi chake.

Nooij amemuondoa kikosini winga Haruna Chanongo wa Stand United na kuwajumuisha Amri Kiemba aliyekuwa Simba na Hassan Kessy wa Simba ambao hawakuwepo kabisa kikosini.

Stars itaweka kambi Addis Ababa kwa muda wa wiki moja kisha kuelekea nchini Misri kukipiga na timu ya taifa hilo Juni 14, 2015 katika kuwania kufuzu michuano ya Mataifa Afrika 2017.

Akizungumza kabla ya kuondoka nchini, jana, Nooij alisema wachezaji waliosafiri kuelekea Ethiopia ni;  Deogratias Munishi, Aishi Manula, Mwadini Ali, walinzi Shomari Kapombe, Oscar Joshua, Erasto Nyoni, Nadir Haroub, Aggrey Morris, Mwinyi Haji, Salum Mbonde na Juma Abdul.

Wengine ni Mwinyi Kazimoto, Abdi Banda, Salum Telela, Frank Domayo, Jonas Mkude, Said Ndemla, washambuliaji Saimon Msuva, John Bocco, Thomas Ulimwengu, Mbwana Samatta, Mrisho Ngassa na Juma Luizio.