KIFARU ATAMBA, BAADA YA KUIMALIZA MAFUNZO, SASA BADO YANGA

Baada ya ushindi wa bao 1-0 dhidi ya Mafunzo, Mtibwa Sugar wameanza tambo.

Msemaji wa Mtibwa Sugar amesema baada ya ushindi huo, tayari wanaangalia namna ya kuimaliza Yanga katika mechi yao ya mwisho ya Kundi A.

“Tunashukuru leo tumeweza kupata ushindi huo, sasa tuna pointi tatu baada ya sare na ushindi, tunachoangalia ni mechi inayofuata dhidi ya Yanga.

“Tunajua Yanga ni timu nzuri, lakini Mtibwa Sugar ni timu bora kabisa. Hivyo kikubwa ni kujiandaa vema ili tushinde maana tuna kikosi bora kabisa,” alijigamba Kifaru.

Katika mechi yao ya kwanza, Mtibwa Sugar walitoka sare ya mabao 2-2 dhidi ya Azam FC, mechi iliyokuwa na msisimko na ushindani mkubwa.