Kocha wa Mtibwa Sugar, Mecky Maxime licha ya kufungwa mabao 2-1 na Yanga juzi Alhamisi, mchezo wao ndiyo bora kuliko yote na anapenda kukutana na timu hiyo katika fainali.
Yanga iliifunga Mtibwa kwenye Uwanja wa Amaan, katika mchezo wa mwisho wa Kundi B huku mabao yake yakifungwa na Issouf Boubacar na Malimi Busungu na lile la Mtibwa lilifungwa na Shiza Kichuya.
Maxime amesema kuwa; “Mechi yetu na Yanga ilikuwa bora sana na watu waliona soka la kueleweka, nimeridhika na matokeo wala hakuna tatizo na siwezi kumlaumu yeyote.
“Natamani kukutana na Yanga katika fainali kwani najua tutacheza soka la kuvutia na siyo la hovyo, unajua zikikutana timu zinazojua mambo huwa mazuri na ni rahisi kucheza kwa mfumo.”
Mtibwa ilimaliza nafasi ya pili katika Kundi B ikiwa na pointi nne huku Yanga ikiwa kileleni na pointi saba. Mafunzo ilishika nafasi ya tatu na pointi mbili huku Azam FC ikishika mkia na pointi mbili.
Maxime umesema kweli, na katika mchezo mbovu nimewahi ona ni wa Yanga na Azam!! Azam walitumia nguvu nyingi bila akili na vurugu kibao!!
ReplyDelete