February 8, 2017



Straika wa Yanga raia wa Burundi, Amissi Tambwe ameshukuru kitendo cha Shirikisho la Soka  Afrika (Caf), kurudishia namba yake ya jezi baada ya kumpokonya katika michuano iliyopita ya Mabingwa Afrika.


Katika michuano hiyo, Tambwe alijikuta ikilazimika kutumia jezi yenye namba 19 badala ya 17 kutokana na makosa yaliofanywa na uongozi wa Yanga wakati ulipokuwa ukituma majina ya wachezaji wake watakaoiwakilisha timu hiyo kwenye michuano hiyo.


Hata baada ya Yanga kugundua kuwa ulikosea kutuma namba ya jezi ya Tambwe na kuiomba Caf ilifanyie marekebisho suala hilo iligonga mwamba jambo ambalo lilimfanya mchezaji huyo kulazimika kuitumia jezi namba 19 kwenye michuano hiyo bila ya kutaka na kumuacha akitumia 17 katika michuano ya Ligi Kuu Bara tu.

Tambwe alisema kuwa amefurahi sana kurudishwa namba yake hiyo ya jezi na Caf baada ya kuikosa msimu uliopita.
 “Hakika msimu uliopita nilipoteza amani baada ya kuikosa jezi yangu hiyo kwani nimeizoea, hata hivyo kitendo cha Caf kunirudishia msimu huu kimenifanya nijisikie vizuri sana,” alisema Tambwe.



Caf imemrudisha Tambwe namba yake hiyo ya jezi baada ya hivi karibuni Yanga kutuma majina ya wachezaji na namba zao za jezi watakazokuwa wakitumia katika michuano ya Mabingwa Afrika ya kuyapitisha yaote.

SOURCE: CHAMPIONI

0 COMMENTS:

Post a Comment

GONGA HAPA KWENDA AZAM TV