REKODI ZA SIMBA BILA DJUMA NOMA,KOCHA AFUNGUKA

Kocha Masoud Djuma aliondolewa Simba Oktoba 5, mwaka huu kwa kushtumiwa kuwagawa wachezaji, tangu Djuma alipoondoka Kocha Mkuu, Patric Aussems amefanikiwa kuiongoza Simba katika mechi tatu za Ligi Kuu Bara na kupata ushindi tofauti na wakati wa Djuma.

Mechi hizo ni dhidi ya African Lyon alishinda 2-1, Stand United 3-0 na Alliance FC 5-1, katika mechi tatu amefanikiwa kukusanya jumla ya mabao 10 na kufungwa mabao 2.

Wakati wakiwa na Djuma mechi sita alifanikiwa kushinda tatu akatoa sare mbili na kufungwa mchezo mmoja na akakusanya mabao sita na kufungwa mabao 2.

Aussems alisema kuwa mwanzo walikuwa wakipata mabao machache kutokana na wachezaji kutokuwa na maelewano,  walikuwa bado hawajazoeana lakini kwa kadri siku zinavyozidi kwenda wanazidi kuzoeana.

"Niwapongeze wachezaji wangu kwa kazi kubwa wanayoifanya kwa sasa na niwaombe waendelee kujituma zaidi mazoezini ili waemndelee kuwa fitti muda wote," alisema.