Ofisa habari wa timu ya Ruvu Shooting Masau Bwire amesema kuwa wanawamudu vizuri wapinzani wao Simba ambao watacheza nao kesho uwanja wa Taifa.
Masau amesema kuwa wamefanikiwa kuipapasasquare timu ya Singida kwa mabao 3-0 hivyo nguvu zao wanazielekeza kwenye mchezo wao dhidi ya mabingwa watetezi hivyo wajiandae kisaikolojia.
"Sasa tuseme gari limewaka haliwezi kuzuilika tena ni sawa na gari likiwa limekatika breki kwenye mteremko linaserereka, tunapiga mpira mwingi si wa nchi hii, pasi 18 tunafunga bao," alisema.
Ruvu Shooting wamecheza michezo 10 wamefanikiwa kushinda mitatu wamepoteza michezo mitatu wakiwa na sare nne zilizowafanya wawe na pointi 13, wanashika nafasi ya 12 kwenye msimamo wa ligi.
Mpira uwanjani
ReplyDelete